ფრანცისკე:ომი არ უნდა აღვიქვათ,როგორც კონფლიქტი სიკეთესა და ბოროტებას შორის

რომის პაპმა ფრანცისკემ ევროპული იეზუიტური მედიის ჟურნალისტებთან ინტერვიუში განაცხადა, რომ უკრაინაში ომი „შეიძლება რაიმე ფორმით იყოს პროვოცირებული“. ამის შესახებ იტალიური გამოცემა La Stampa იტყობინება.

პონტიფიკმა დაგმო "რუსული ჯარების სისასტიკეჰნ ", მაგრამ ამავე დროს თქვა, რომ უკრაინის ომი არ უნდა იქნას აღქმული, როგორც სიკეთისა და ბოროტების სტერეოტიპული კონფლიქტი.

„ჩვენ უნდა გადავუხვიოთ წითელქუდას ჩვეულებრივ მოდელს, სადაც წითელქუდა კარგი იყო და მგელი ცუდი. რაღაც გლობალური ჩნდება და ელემენტები ძალიან გადახლართულია“, - თქვა რომის პაპმა. „აქ არ არსებობს სიკეთისა და ბოროტების მეტაფიზიკური აბსტრაქტული ცნებები“.

„ომის დაწყებამდე რამდენიმე თვით ადრე შევხვდი სახელმწიფოს მეთაურს, გონიერ კაცს, რომელიც ცოტას ლაპარაკობს, ძალიან ბრძნულად. მას შემდეგ რაც ისაუბრა იმაზე, რაზეც უნდოდა საუბარი, მითხრა, რომ ძალიან აწუხებდა, როგორ სვლებს აკეთებს ნატო. მე ვკითხე, რატომ და მან მიპასუხა: "ისინი რუსეთის კარიბჭესთან ყეფენნ. მათ არ ესმით, რომ რუსები იმპერიულები არიან და არცერთ უცხო ძალას არ უშვებენ მათთან ახლოს". მან დაასკვნა: „სიტუაციამ შეიძლება ომამდე მიგვიყვანოს“. ეს იყო მისი აზრი. ომი 24 თებერვალს დაიწყო. სწორედ სახელმწიფოს მეთაურმა შეძლო წაეკითხა ნიშნები იმისა, რაც ხდებოდა“, - განუცხადა პაპმა ფრანცისკემ ჟურნალისტებს.

რკე-ის ხელმძღვანელმა ყურადღება გაამახვილა იმ ფაქტზე, რომ უკრაინის გარდა, კონფლიქტები გრძელდება სხვა ქვეყნებშიც: ნიგერიაში, კონგოში, მიანმარში და გაიხსენა 25 წლის წინ რუანდაში მომხდარი შეტაკებები და ხაზგასმით აღნიშნა, რომ მთელი მსოფლიო ომის ვითარებაშია.

შეგახსენებთ, რომ რომის პაპმა უკვე განაცხადა „ნატოს რუსეთის ფედერაციის საზღვრებზე ყეფის შესახებ“ და რომ უკრაინაში კონფლიქტი სხვა სახელმწიფოების მიერ იყო პროვოცირებული.

მანამდე მჟკ წერდა, რომ რომის პაპი ფრანცისკე პატრიარქ კირილს ყაზახეთში 2022 წლის სექტემბერში შეხვდება.

წაიკითხეთ ასევე